SUNNY D

Spánn er búin að fara vel vem okkur og við erum búinir að klifra slatta og veðrið var unaðslegt fyrst hérna en það er búið að vera smá blautt seinustu daga og við erum búnir að fullkomna það að gera ekki neitt á hvíldardögum, En eftir 3 Daga þá er maður á mörkunum að halda geði.

Við erum samt með fullann ísskáp af Sunny D og skinku,

Og viti menn um leið og við jukum Sunny D skamtinn um helming þá fór sólin að koma og um í gær eða eitthvað var geðveik sól í makinodromo og við svaka klifri og svo tala ég nú ekki um sólbaðið.

hæbb

Jæja þá erum við búnir að keira þvert yfir pýrenafjöll og Alpa og hvað þetta heitir allt, það var svona 1 og hálfur metri af snjó þarna uppi og fjallavegirnir voru seinfarnir en eftir 16 tíma akstur og tæpum 1000 kílómetrum síðar lentum við í Siurana á spáni,

Það var gott að vakna þar og fara að klifra í sól og smá hita loksins, Nema hvað þá var ekki stundarfriður fyrir öskrum í Chris sharma hinu megin í dalnum Við sáum hann á tjaldsvæðinu og hann var smágerður og ljónstyggur.

Eftir 3 klifurdaga Í Siurana renndum við niður spán að hitta á Eyþór og Kristó sem ætla að eyða jólunum í El chorro á suðurspán.
Við komum á ströndina hjá malaga um hádegi og böðuðum okkur í sjónum og láum á ströndinni allann daginn,Sem var aaallveg fínt bara. fórum síðan á flugvölinn að sækja strákanna um kvöldið.

Núna erum við í El chorro og það er ótrúlega heitt og maður er nánast ber að ofan allann daginn, búinir að flagga Íslenska fánanum fyrir utan húsið og hangikjötið er í ísskápnum.
Núna erum við búinir að vera að klifra á fullu og komum alltaf dauðþreyttir heim í kofann, en það er ekkert sem að Ofurpasta og hvítlaukur og Sunny D geta ekki endunært.

Síðan erum við líka ofsóttir af sniglum (trúlega spánarsniglum) en þeim virðast líka vel við matinn sem að við gefum þeim.

ég held að það sé kominn vetur

við vorum í Font í gær og það var snjór í skóginum en það var mjög gott að klifra þegar að maður var búin að hita upp naglakulið af sér. eftir klifur lögðum við af stað suður að heimsækja nikolæ og helen, bernd sagði mér að það væri bara svona sirka fjórir tímar þangað en það endaði með því að vera 7 eða 8 tímar. en þegar að við mættum beið eftir okkur heitur matur og fínerí.

það var samt mjög flott að keyra yfir Frakkland því að það var svo mikill snjór og allt hvítt. Ég dó næstum því að mig langaði svo á bretti þegar að maður sá skíðasvæðin, en við létum snjókast nægja..

og við erum núna í einhverjum bæ í frakklandi og byrjuðum daginn á því að fara í matarmarkað og fengum besta brauð og mandarínur í heimi trúlega, kíktum svo í klifurhúsið hérna með niko og það var bara nokkuð gott. það var meira að seigja billjardborð þar, og ef að það væri heima þá myndi ég ekki mikið klifra held ég.

Á morgun höldum við áfram suður, og við vitum ekki allveg hvert en okkur langar að kíkja smá í Siurana en það er spurning því að við ætlum að vera komnir til el chorro 18 des.

allaveganna er mjög gott hér og það besta eru rotturnar sem að niko og helen eiga, og án gríns þá eru þetta allvöru rottur, ekki hamstrar, og við erum búnir að vera að leika mikið við þær því að þær mega hlaupa um stofuna þó að þær eigi heima í búri stundum.

Og já ég held að það sé bara betra að vera í font í desember heldur en í nóvember þótt að það sé svoldið kalt en það er allaveganna ekki rigning. En það verður samt gott að komast til malaga og það fyrsta sem ég ætla að gera þegar að ég kem þangað er að stinga mér í sjóinn.

í gírnum

Seinustu vikur eru búnar að vera góðar þótt að það hafi verið soldil rigning og að við höfum setið inná kaffihúsinu okkar mikið, þá er það bara gott..

við erum búnir að lenda í ýmsu og einn daginn á klifursvæðinu þá kom einn gaur hjólandi til okkar á svona barnamótorhjóli og spurði hvort að hann mætti prófa að klifra, við jánkuðum því og hann tók í fyrsta gripið og spólaði smá, sagði síðan að þetta væri of erfitt,
Síðan spurði hann hvort að við vildum ekki endilega prófa mótorhjólið hans og við sögðum bara njeeee, því að það sást langar leiðir að hann var eitthvað klikk.
hann spurði aðeins meir og endaði síðan á því að spóla í hring í laufblöðunum og keira í burt á vit ævintýranna.

svona korteri eftir það á sama steini þá kom gamall frakki til okkar og vildi endilega seigja okkur leyndarmál, hann gerði það og sagði að kalk væri gagnslaust og að við ættum að nota resin, sem er svona harpix og bernd er farinn að nota það eingöngu núna.

við keyrðum svo Elmar útá flugvöll um daginn og vorum alltof seinir en það slapp fyrir horn,
síðan keirðum við bernd inn í parís heim til halldóru en villtumst og keyrðum í hringi í svona 6 tíma þangað til að við fundum þetta en seinast tók það bara korter.

þegar við svo komum þangað þá sofnuðum við báðir í bílnum og vöknuðum eftir svona hálftíma og ég stóð út úr bílnum og akkurat labbaði stelpa fram hjá bílnum og í hvarf, svo tók hún nokkur skref aftur á bak og sagði : hæ bernd, hvað ert þú að gera hér? á íslensku . þá var þetta einhver íslendingur sem var í helgarferð í parís og þekkti bernd.. hverjar eru líkurnar?

það er smá hvíld núna því að við erum búnir að vera að klifra svo mikið og að einn eða tveir hvíldardagar eru ekki að gera neitt gagn svo að það er smá pása. : )

Gleði...

ó boy

Þá er loksins farið að koma allvöru veður hérna í font og góðar aðstæður. ég fór um daginn og sótti Elmar og Halldóru útá flugvöll en þau komu með sömu vél fyrir tilviljun svo að þau komu í afmælisveilsu á tjaldstæðið, og Elmar með fullar hendur af hangikjeti og súkkulaði, og dagin eftir var besta veður sem við höfum haft og ég er viss um að þau hafi komið með það frá íslandi.

Mjög gaman að sjá ónefndan mann sem hefur aldrei klifrað í font beila á V 0 probba en hvað um það. Það er búið að vera mikið um veðmál og ég tapaði einu svo að ég þarf að gera lofkvæði um Elmar á bloggið, það kemur seinna... Halldóra var að taka myndir á fullu með klifrinu en hún fór svo um kvöldið því að hú þarf að fara í skólann.

En í dag sá ég flottasta fall sem ég hef nokkurntíman séð, en ég var að spotta Elmar í traversu sem ég er búin að vera að vinna í , og ég stóð fyrir neðan hann og var að spotta, og hann er með vinstri löpp í tádjammi og gerir erfitt deadpoint til hægri og nær ekki allveg og dettur niður, og þegar ég ætla að grípa hann þá sveiflast hann úr höndunum á mér á tákróknum sínum og sveiflast 4 metra til vinstri í heljarstökk og lenti þar í sandinum.

Ég stökk á eftir honum og endaði næstum ofaná honum í sjokki því að ég hélt að löppin væri ennþá föst, en svo stendur hann upp og ég spyr hvort að það sé allt í lagi þá segir hann að hann sé brotinn, og ég hugsaði bara ó sjitt þá er það búið , en hann var að grínast og tognaði bara smá.

Og eftir góðann klifurdag sitjum við núna inni á kaffihúsinu okkar og teflum við gömlu frakkana.

Allt það létta...

Það er aðeins farið að fjölga á tjaldstæðinu okkar núna og við sátum nokkrir við eldin í gær, og það voru nokkrir hinumeginn sem að við vorum ekki búnir að hitta svo að ég rölti yfir að kíkja á krakkana, Nema hvað , það er myrkur svo að maður sér ekki mikið og ég labba til eins stráks þarna og hann segir " hæ Hjalti" . ok hverjar eru líkurnar... örugglega helmings.

Smá rigning núna og við vorum að klifra í helli sem er alltaf þurr, það var samt aðeins erfiðara að komast þangað því að það var búið að loka öllum leiðum inn í skóginn allt um kring og skilti sem að við vissum ekkert hvað þýddi , en við komumst þangað á endanum og á leiðinni í klettinn komumst við aðþví hvað skiltin þýddu. Veiðimenn eða eitthvað svoleiðis, því að frökkum finnst gaman að fara um skógin á hestbaki eða hlaupandi með skrilljón hunda og skjóta villisvín eða eitthvað út í loftið... en við fórum samt að klifra þótt að það væru skothvellir og gelt allt um kring, en við sáum þá samt aldrei..

það var líka búið að vera svo gott veður að við sofum stundum úti og lentum í því að vakna í rigningu rennandi blautir eða allaveganna ég því að ég nennti ekki að fara inn í bíl. það er ekkert voðalega gaman sko. svo að næsti dagur fór í það að hlýja sér við eldinn og þurrka svefnpokann,


við vorum svona líka heppnir í gær á leiðinni heim úr búðinni, því að oft þegar fólk er að taka til eða fá sér ný húsgögn þá hendir það gamla draslinu út á gangstétt. Og bernd tók eftir því og við sáum þetta fína þurra timbur á bálið,
nema hvað að ég fann svona stól sem er með svona klósett gati í miðjunni ef þú lyftir setunni upp, annars er þetta bara eins og venjulegur stóll.
og ég get svo svarið það að þetta er besta klósett sem að ég hef prófað .. allgjer draumur sko.
röltir bara aðeins út í skóg og fimmstjörnu klósett þegar að maður nennir ekki að labba lengra.

Með Teipaða Fingur Við Klifrum Endalaust!

Já það er gott að hafa það á hreinu að búlder er best. það er gott að vera úti í skógi þó að það sé soldið kalt úti , en ég held að það sé við frostmark á næturnar, en stór eldur reddar því og ný dúnúlpa á morgnanna.
Og viti menn við erum búnir að mastera listina að kveikja eld án þess að nota bensín, og það er erfiðara enn að seigja það.

Við erum farnir að ná að lifa fyrir 2 og hálfa evru á mann á dag og það er nokkuð vel sloppið held ég. Bernd er búin að fullkomna listina að nýta næringuna og helst í fullkomnu jafnvægi með að borða bara það sem hann getur nýtt og þá þarf hann ekki að skíta. hann slær 2 flugur í einu höggi því að tíminn er peningar og hann á fullt af tímapeningum núna... heppinn.
ég var ekki allveg svo heppin og settist í rósarunna eða eitthvað, það var gaman.

Við keiptum ódýrt sinnep um daginn, og bernd setti það á brauðið sitt og fékk svo nefrennsli því að það var svo sterkt, ég ætlaði sko að sýna honum að það væri nú ekki svona sterkt og át 3 matskeiðar af sinnepi, og viti menn ég fékk íllt í magan í svona klukkutíma, og fyrir utan að þetta var sterkasta sinnep í heimi þá er 20 % alkahól í því, sem ég veit ekki allveg afhverju. en það nýtist allaveganna í súpu núna.

Við erum búnir að klifra fullt af probbum og skinnið er eitthvað að minnka, ótrúlega gaman en það er samt smá rigning núna svo að við sitjum inná kaffihúsi og drekkum heitt kakó. það versta við að fara inn og sitja fyrir framan ofn er það að maður vill eiginlega ekkert út aftur

Við fáum svo nokkrar heimsóknir hingað núna, Halldóra ætlar örugglega að kíkja frá París og vinur bernds kemur 3 nóv og svo kemur frændi 10.

Löggan hérna sannaði svo ágæti sitt því að við vorum ný búnir að hjálpa 2 klifrurum sem lentu í því að það var brotist inn í bílinn þeirra hliðiná einhverju klifursvæði svo að hurðin var biluð, og við lánuðum þeim einhver verkfæri, eftir svona korter kom löggan upp úr þurru og keirði um bílastæðið rólega og stoppað akkurat fyrir framan okkur þar sem við vorum að borða og horfði á okkur eins og glæpamenn, opnaði gluggann og sagði frekjulega á frönsku " ÞAÐ ER BANNAÐ AÐ HAFA RUSL UNDIR BÍLNUM" ... vá takk fyrir að vera gagnslaus.